جنگیں کبھی مسائل کا حل نہیں ہوتیں مذاکرات سے ہی معاملات حل ہوتے ہیں
تحریک انصاف کے سینیٹر فیصل جاوید نے کہا ہے کہ یہ اعزاز عمران خان کو ہی اللہ نے دیا ہے کہ ان کے ہاتھوں سے آج کرتار پور والا ایک تاریخی سنگ بنیاد رکھا گیا ہے انہوں نے اپنی تقریر میں بھارت کو بتا دیا ہے کہ پاکستان امن کا خواہاں ہے اور جنگ کسی بھی ملکوں کے درمیان مسئلے کا حل نہیں ہے ۔وہ ایشو آف دی ڈے میں بات کررہے تھے ۔انہوں نے کہا کہ وزیراعظم عمران خان نے بھارتی وزیراعظم کو بتا دیا ہے کہ جنگیں مسائل کا حل نہیں ہوتی ہیں اور مذاکرات سے ہی مسائل کو حل کیا جا سکتا ہے اس لئے بھارت کو کشمیر کا مسلہء اقوام متحدہ کی قرار دادوں پر حل کروانے کے لئے پاکستان سے بات کے لئے مذاکرت کی میز پر آنا ہو گا ۔
فیصل جاوید