بھارتی فوج نے پہلی مرتبہ پاکستان کے ساتھ جنگ کے دوران لڑاکا طیاروں کی تباہی کا اعتراف کرلیا

سنگاپور(ویب ڈیسک) مئی 2025 ء کے اوائل میں پہلگام واقعے کو بنیاد بنا کر بھارت نے پاکستان پر حملہ کیا جس پر پاک فضائیہ کی جوابی کارروائی کے دوران ہندوستان کو رافیل سمیت کم از کم چھ طیاروں سے ہاتھ دھونا پڑے تھے اور اب پہلی بار بھارتی فوج نے باضابطہ طیاروں کی تباہی کا اعتراف کرلیا۔ 
تفصیل کے مطابق  شنگری لا ڈائیلاگ کے موقع پربلومبرگ سے گفتگو کرتے ہوئے انڈین آرمڈ فورسز کے چیف آف ڈیفنس سٹاف انیل چوہان نے اعتراف کیا کہ پاکستان کے ساتھ جھڑپوں کے دوران بھارت نے کچھ طیارے کھوئے ہیں تاہم کوئی اعدادوشمار دینےسے گریز کیا۔
ان سے صحافی نے سوال کیا کہ " پاکستان اور بھارت کے درمیان کشیدگی کے حوالے سے ابھی تک(بھارت کی جانب سے) ایک سوال کا باضابطہ جواب نہیں ملا کہ کیا پاکستان نے بھارت کا ایک یا اس سے زیادہ طیارے مار گرائے،   کیا آپ تصدیق کرسکتےہیں؟"
انیل چوہان کاکہناتھاکہ "میرے خیال میں اہم یہ نہیں کہ طیارے گرے  بلکہ یہ اہم ہے کہ وہ کیوں گرے؟ " صحافی نے پھر سوال کیا کہ کم از کم ایک طیارہ گرا ہے جس پر انہوں نے جواب دیا"ہاں"،

انہوں نے اپنی بات جاری رکھتے ہوئے مزید کہاکہ  اچھی بات یہ ہے کہ ہمیں پتہ چل گیا ہے کہ ہم نے کیا غلطی کی ، اس کی نشاندہی کی ، غلطی کو سدھارا اور پھر دو دن بعد دوبارہ  حملہ کیا، اپنے تمام طیارے اڑائے اور لانگ رینج اہداف کو نشانہ بنایا۔
صحافی نے سوال کیا کہ پاکستان دعویٰ کرتا ہے کہ 6 بھارتی طیارے گرائے ہیں، کیا یہ درست ہے؟ اس پر چوہان نےموقف اپنایا کہ یہ بالکل غلط ہے  اور  ہمارے لیے اس کی اہمیت نہیں ہے بلکہ اہم یہ ہے کہ یہ کیوں گرے اور پھر  اس کے بعد ہم نے کیا کیا؟

India’s military confirmed for the first time that it lost an unspecified number of fighter jets in clashes with Pakistan in May.

Anil Chauhan, chief of defense staff of the Indian Armed Forces, spoke to Bloomberg TV on Saturday, while attending the Shangri-La Dialogue in… pic.twitter.com/9y3GW6WJfn

— Bloomberg TV (@BloombergTV) May 31, 2025

اس سے قبل یادرہے کہ 9 مئی کو ایک بریفنگ میں رافیل طیارے کے نقصان کے بارے میں ایک سوال کے جواب میں بھارتی فضائیہ کے ائیر مارشل اے کے بھارتی نے کہا تھا کہ نقصانات لڑائی کا حصہ ہوتے ہیں اور میں اس سے زیادہ تفصیل نہیں بتاسکتا، اس سے فریق مخالف کو فائدہ ہوتا ہے ۔