نور زمان نے چیف آف ائیر سٹاف انٹرنیشنل سکواش چیمپئن شپ جیت لی

   راولپنڈی(آئی  این پی) پاکستان کے نور زمان نے چیف آف ائیر سٹاف انٹرنیشنل سکواش چیمپئن شپ جیت لی۔    پاک فوج کے شعبہ آئی ایس پی آر کے مطابق چیف آف ایئر سٹاف انٹرنیشنل سکواش چیمپئن شپ پاکستان ایئر فورس کے زیر اہتمام مصحف سکواش کمپلیکس میں منعقد ہوئی، ٹورنامنٹ میں 8ممالک کے 24بہترین کھلاڑیوں نے شرکت کی، مصر، انگلینڈ، ہانگ کانگ، آئرلینڈ، کویت، ملائشیا، نیدرلینڈز اور پاکستان کے کھلاڑی چیمپئن شپ کا حصہ تھے۔ایئر مارشل شکیل غضنفر، ڈپٹی چیف آف ایئر سٹاف اختتامی تقریب کے مہمان خصوصی تھے، فائنل میں پاکستان کے نور زمان نے ہم وطن ناصر اقبال کوتین صفرکے سکور سے شکست دی۔

، ائیر مارشل شکیل غضنفر نے کھلاڑیوں کو چیمپئن شپ کے دوران شاندار کارکردگی پر مبارکباد دی۔ان کا کہنا تھا کہ پاکستان ایئر فورس ایئر چیف مارشل ظہیر احمد بابر سدھو کی قیادت میں سکواش کے فروغ میں اہم کردار ادا کر رہی ہے۔