ہے عجب حال یہ زمانے کا
ہے عجب حال یہ زمانے کا
یاد بھی طور ہے بھُلانے کا
پسند آیا بہت ہمیں پیشہ
خود ہی اپنے گھروں کو ڈھانے کا
کاش ہم کو بھی ہو نصیب کبھی
عیش دفتر میں گنگنانے کا
آسمانِ خموشیِ جاوید
میں بھی اب لب نہیں ہلانے کا
جان! کیا اب ترا پیالۂ ناف
نشہ مجھ کو نہیں پِلانے کا
شوق ہے ِاس دل درندہ کو
آپ کے ہونٹ کاٹ کھانے کا
اتنا نادم ہوا ہوں خود سے کہ میں
اب نہیں خود کو آزمانے کا
کیا کہوں جان کو بچانے میں
جونؔ خطرہ ہے جان جانے کا
یہ جہاں جون! اک جہنم ہے
یاں خدا بھی نہیں ہے آنے کا
زندگی ایک فن ہے لمحوں کا
اپنے انداز سے گنوانے کا
شاعر: جون ایلیا
Hay Ajab Haal Yeh Zamaanay Ka
Yaad Bhi Tor Hay Bhulaanay ka
Pasand Aaya Bahut Hamen Paisha
Khud Hi Apnay Ghar Ko Dhaanay Ka
Kaash Ham Ko Bhi Ho naseeb Kabhi
Aish Daftar Men Gunganaanay Ka
Aasmaan e Khamoshi e Javed
Main Bhi Ab Lab Nahen Hilaanay Ka
Jaan! Kia Ab Tira Payaala e Naaf
Nasha Mujh Ko Nahen Pilaanay Ka
Shoq Hay Iss Dil Darinda Ko
Aap K Hont Kaat Khaanay Ka
Itna Naadam Hua Hun Khud Say Keh Main
Ab Nahen Khud Ko Aazmaanay Ka
Kia Kahun Jaan Ko bachaanay Men
JAUN Khatra Hay Jaan Jaanay Ka
Yeh Jahaan JAUN Ik Jahannam Hay
Yaan Khuda Bhi Nahen Hay Aanay Ka
Zindagi Aik Fan Hay Lamhon Ko
Apnay Andaaz Say Ganwaanay ka
Poet: Jaun Elia
