جون ایلیا اصل نام سید سبط اصغر نقوی (14 دسمبر، 1931ء امروہہ، اتر پردیش بھارت – 8 نومبر، 2002ء کراچی پاکستان) برصغیر میں نمایاں حیثیت رکھنے والے پاکستانی شاعر، فلسفی، سوانح نگار اور عالم تھے۔  ایلیا نے 1957ء میں بھارت سے  پاکستان ہجرت کی اور کراچی کو اپنا مسکن بنایا ۔وہ اپنے انوکھے انداز تحریر کی وجہ سے سراہے جاتے تھے۔ وہ معروف صحافی رئیس امروہوی اور فلسفی سید محمد تقی کے بھائی اور مشہور کالم نگار زاہدہ حنا کے سابق خاوند تھے۔ جون ایلیا کو عربی، انگریزی، فارسی، سنسکرت اور عبرانی میں اعلیٰ مہارت حاصل تھی۔