پِیا جی کی سواری جا رہی ہے

پِیا جی کی سواری جا رہی ہے
پِیا جی کی سواری جا رہی ہے

  

چلو بادِ بہاری جا رہی ہے

پِیا جی کی سواری جا رہی ہے

شمالِ جاودانِ سبز جاں سے

تمنا کی عماری جا رہی ہے

فغاں اے دشمنی دارِ دل و جاں

مری حالت سُدھاری جا رہی ہے

جو اِن روزوں مرا غم ہے وہ یہ ہے

کہ غم سے بُردباری جا رہی ہے

ہے سینے میں عجب اک حشر برپا

کہ دل سے بے قراری جا رہی ہے

میں پیہم ہار کر یہ سوچتا ہوں

وہ کیا شے ہے جو ہاری جا رہی ہے

دل اُس کے رُوبرو ہے اور  گم صم

کوئی عرضی گزاری جا رہی ہے

ہے پہلو میں ٹَکے کی اک حسینہ

تری فرقت گزاری جا رہی ہے

وہ سیِّد بچّہ ہو اور شیخ کے ساتھ

میاں عزّت ہماری جا رہی ہے

ہے برپا ہر گلی میں شورِ نغمہ

مری فریاد ماری جا رہی ہے

وہ یاد اب ہو رہی ہے دل سے رخصت

میاں پیاروں کی پیاری جا رہی ہے

دریغا! تیری نزدیکی میاں جان

تری دوری پہ واری جا رہی ہے

بہت بدحال ہیں، بستی، ترے لوگ

تو  پھر  تو  کیوں سنواری جا رہی ہے

تری مرہم نگاہی اے مسیحا!

خراشِ دل پہ واری جا رہی ہے

خرابے میں عجب تھا شور برپا

دلوں سے انتظاری جا رہی ہے

شاعر: جون ایلیا​

Chalo Baad  e  Bahaari Jaa Rahi Hay

Piaa G Ki Sawaari  Jaa Rahi Hay

Shumaal  e  Jawdaan  e  Sabz Jaan Hay

 Tamanna Ki Am aariJaa Rahi Hay

Fughaan Ay Dushmani Daar  e  Dil  o  jaan

Miri Haalat Sudhaari Jaa Rahi Hay

Jo In Rozon Mira Gham Hay Wo Ywh Hay

Keh Gham Say Burdbaari Jaa Rahi Hay

Hay Seensy  Men Ajab Ik Hashr Barpa

Keh Dil Say Be Qaraari Jaa Rahi Hay

Main Paiham Haar Kar Yeh Sochta Hun

Wo Kia Shay Hay Jo Haari Jaa Rahi Hay

Dil Uss K Rubaru Hay Aor  Gum Sum

Koi Arzi Guzaari Jaa Rahi Hay

Wo Syyed Bacha Ho Aor Shaikh K Saath

Mian Izzat Hamaari Jaa Rahi Hay

hay Barpa Har Gali Men Shor  e  Naghma

Miri Faryaad Maari Jaa Rahi Hay

Wo Yaad Ab Ho Rahi Hay Dil Say Rukhsat

Mian Pyaron Ki Pyaari Jaa Rahi Hay

Daregha! Teri Nazdeeki Mian Apna

Tiri Doori Pe Waari Jaa Rahi Hay

Bahut Badhaal Hen Basti! Tiray Log

To Phir Tu Kiun Sanwaari Jaa Rahi Hay

Tiri Mahram Nigaahi Ay Maseeha

Kharaash  e  Dil Pe Waari Jaa Rahi Hay

Kharaabay Men Ajab Tha Shor Barpa

Dilon Say Intezaari Jaa Rahi Hay

Poet: jaun Elia

مزید :

شاعری -رومانوی شاعری -غمگین شاعری -