مظبوط اپوزیشن حکومت کو راہ راست پر رکھے گی، لیاقت بلوچ

مظبوط اپوزیشن حکومت کو راہ راست پر رکھے گی، لیاقت بلوچ

ملتان(سٹی رپورٹر)جماعت اسلامی پاکستا ن اور متحدہ مجلس عمل کے سیکرٹری جنرل لیاقت بلوچ نے کہاہے کہ ایم ایم اے اور جماعت اسلامی کے مجاز اداروں نے فیصلہ کرلیاہے کہ اسمبلیوں (بقیہ نمبر28صفحہ12پر )

میں اپوزیشن بنچوں پر بیٹھیں گے اور اپوزیشن جماعتوں کے آئین ، جمہوریت کے تحفظ اور شفاف و غیر جانبدارانہ انتخابات کے لیے تعاون کیا جائے گا ۔ سیاست اور جمہوریت میں تلخیوں اور ایک دوسرے کے بارے میں سخت ترین موقف اور اظہار خیال مشکلات کا باعث بنتا ہے ۔ عمران خان اور اپوزیشن جماعتیں بیک وقت اندرونی تنقید کا شکار ہیں ۔ سیاست اور جمہوری عمل جامد اور بند گلی کا متحمل نہیں ہوتا ، وقت اور حالات کے مطابق حکمت عملی ترتیب دی جاتی ہے ۔ متحدہ مجلس عمل کا اپوزیشن جماعتوں کے ساتھ تعلقات کار شفا ف اور غیر جانبدارانہ انتخابات اور انتخاب 2018 ء میں بدترین دھاندلی کے خلاف احتجاج ہے ۔ وزیراعظم ، سپیکر اور ڈپٹی اسپیکر کے لیے انتخاب لڑیں گے ناکامی کی صورت میں اپوزیشن کا کردارا دا ہوگا ۔ مضبوط اپوزیشن حکومت کو راہ راست پر رکھے گی ۔اپوزیشن جماعتوں میں تمام فیصلے مشاورت اور اتفاق رائے سے کیے جارہے ہیں ۔ اپوزیشن لیڈر کا فیصلہ بھی متفقہ کیا جائے گا ۔ قومی ا سمبلی کی روایت ہے کہ جس گروپ کے ممبرز زیادہ ہوتے ہیں ، وہی اپوزیشن لیڈر ہوتاہے ۔

لیاقت بلوچ

مزید : ملتان صفحہ آخر