روپے کے  مقابلے ڈالر کی قدر میں اضافہ ، برطانوی پاؤنڈ اور یورو کی بڑی چھلانگ، دیگر کرنسیوں کو پیچھے چھوڑدیا  

 کراچی (آئی این پی )کرنسی مارکیٹ کی ہفتہ وار رپورٹ کے مطابق بیرونی قرضوں کی ادائیگی کے باعث روپے پر دبا ؤرہا، ایک ہفتے میں امریکی ڈالر کی قدر میں اضافہ دیکھنے میں آیا ، یورو اور برطانوی پاؤنڈ  کی بڑی چھلانگ ،دیگر کرنسیوں کو پیچھے چھوڑ دیا۔

 کرنسی مارکیٹ رپورٹ کے مطابق ایک ہفتے میں انٹربینک میں امریکی ڈالر 9 پیسے مہنگا ہو کر 279.56 روپے پر بند ہوا جبکہ اوپن مارکیٹ میں ڈالر کی قیمت 35 پیسے اضافہ ہوا ، جس کے بعد  ڈالر  279.85 روپے کا ہوگیا۔

دوسری جانب یورو 2 روپے93 پیسے سستا ہو کر 288.30 روپے اور برطانوی پاونڈ  3 روپے 33 پیسے سستا ہو کر 348.26 روپے کا ہوگیا ، ایک ہفتے میں یو اے ای درہم 10 پیسے مہنگا ہوکر 76.15 روپے اور  سعودی ریال 10 پیسے مہنگا ہوکر 74.45 روپے پر پہنچ گیا۔ 

سٹیٹ بینک  کے مطابق ایک ہفتے میں ایک ہفتے میں بیرونی قرض کی مد میں 14 کروڑ 30 لاکھ ڈالر کی ادائیگی کی گئی ، جس کے بعد سٹیٹ بینک کے زخائر 11.85 ارب ڈالر سے کم ہو کر 11.71 ارب ڈالر پر آگئے ۔  

سٹیٹ بینک کے مطابق کمرشل بینکوں کے ذخائر میں 18 کروڑ ڈالر کا اضافہ ہو کر 4.70 ارب ڈالر ہوگئے اور   ملکی مجموعی زخائر 3.70 کروڑ ڈالر اضافے سے 16.40 ارب ڈالر ہوگئے۔