190ملین پاؤنڈ ریفرنس کا فیصلہ ایک بار پھر موخر کردیا گیا
راولپنڈی(ڈیلی پاکستان آن لائن)بانی پی ٹی آئی عمران خان اور بشریٰ بی بی کیخلاف 190ملین پاؤنڈ ریفرنس کا فیصلہ ایک بار پھر موخر کردیا گیا۔
نجی ٹی وی چینل جیو نیوز کے مطابق ذرائع کاکہنا ہے کہ 190ملین پاؤنڈ ریفرنس کا فیصلہ کل نہیں سنایا جائے گا، کل وکلا کو نئی تاریخ سے آگاہ کردیا جائے گا۔
یاد رہے کہ 190ملین پاؤنڈ ریفرنس کا فیصلہ 18دسمبر کو عدالت نے محفوظ کیا تھا،ریفرنس کا فیصلہ سنائے جانے کی تاریخ تیسری مرتبہ تبدیل کی گئی۔
