شیخ محمد بن زاید النہیان کی شہباز شریف کو اپنی گاڑی میں بٹھا کر خود ڈرائیونگ کرنے کی تصویریں سامنے آگئیں
دبئی(ڈیلی پاکستان آن لائن)متحدہ عرب امارات کے صدر شیخ محمد بن زاید النہیان نے پنجاب کے ضلع رحیم یار خان میں وزیراعظم شہباز شریف کو اپنی گاڑی میں بٹھا کر خود ڈرائیونگ کی اور اس دوران دونوں کے درمیان غیررسمی اور خوش گوار گفتگو ہوئی۔واضح رہے کہ سابق وزیر اعظم عمران خان متحدہ عرب امارات کے صدر کو گاڑی کی فرنٹ سیٹ پر بیٹھا کر خود ڈرائیو کرتے تھے ۔
وزیراعظم آفس نے وزیرِ اعظم شہباز شریف کی متحدہ عرب امارات کے صدرشیخ محمد بن زاید النہیان سے رحیم یار خان میں ملاقات کی خبر اور ویڈیو جاری کی، جس میں دیکھا جاسکتا ہے کہ دونوں انتہائی خوش گوار موڈ میں گفتگو کر رہے ہیں۔صدر متحدہ عرب امارات شیخ محمد بن زاید النہیان نے خود گاڑی چلائی اور وزیر اعظم شہباز شریف ان کے ساتھ بیٹھے ہوئے ہیں اور گاڑی میں کافی دیر تک دونوں رہنماؤں کی غیر رسمی اور خوشگوار گفتگو ہوئی۔
