ٹنڈوالہ یار کے سرکاری سکولوں میں قبضہ مافیا نے بھینسوں کا باڑہ بنادیا

ٹنڈوالہ یار  (ویب ڈیسک) سندھ کے ضلع ٹنڈوالہ یار کے سرکاری سکولوں میں قبضہ مافیا نے بھینسوں کا باڑہ بنادیا۔

قبضہ مافیا نے گوٹھ دھینگا نو بوزدار کے گورنمنٹ گرلز مڈل سکول اور گوٹھ اللّٰہ بخش رند کے گورنمنٹ پرائمری سکول میں بھینسوں کا باڑہ بنایا، بھینسیں باندھی اور بھوسہ بھردیا۔سندھ کی تعلیمی انتظامیہ اس معاملے لاتعلق نظر آئی، نہ تو بھینسیں باندھنے والوں کا پتہ لگایا اور نہ ہی بھینسوں کو قبضے میں لینے کی کوشش کی۔

سکول کے احاطے میں چارے کے ڈھیر ہیں، گندگی اور تعفن سے محلہ دار بھی پریشان ہیں۔محکمہ تعلیم نے خبر سامنے آنے پر متعلقہ حکام سے رپورٹ طلب کرلی ہے۔