بہاولپور: سیلاب کے باعث جنازہ کشتی کے ذریعے قبرستان منتقل
بہاولپور(ڈیلی پاکستان آن لائن)پنجاب کے مختلف شہروں میں سیلابی صورتحال برقرار ہے، بہاولپور شہر میں اسی باعث جنازہ کشتی کے ذریعے قبرستان منتقل کرنا پڑا۔
روزنامہ جنگ کے مطابق بہاولپور کی تحصیل خیرپور ٹامیوالی کے علاقے بونگہ رمضان میں رابطہ سڑکیں سیلابی پانی میں ڈوبنے کے باعث آمد و رفت معطل ہونے پر ایک جنازہ کشتی کے ذریعے قبرستان منتقل کیا گیا۔اس دوران لواحقین کو ریسکیو اہلکاروں کی مدد حاصل رہی۔
علاوہ ازیں جھنگ کے علاقے کھوڑاں باقر میں بھی سیلاب متاثرین نے آمد و رفت کے لیے ٹائر اور ٹیوب کا استعمال شروع کردیا ہے۔
