امریکی محکمہ خارجہ کے سینئر اہلکار وفد کے ہمراہ پاکستان کا دورہ کریں گے
کراچی (ڈیلی پاکستان آن لائن) امریکی محکمہ خارجہ کے سینئر اہلکار برائے جنوب اور وسط ایشیائی امور ایریک مئیرآئندہ ہفتے پاکستان کا دورہ کریں گے۔
"جنگ " نےمحکمہ خارجہ کےذرائع کے حوالے سے بتایا کہ ایرک مئیر کی قیادت میں امریکا کے مختلف اداروں کے اہلکاروں پر مشتمل وفد 8 سے 10 اپریل تک اسلام آباد کا دورہ کرے گا۔ یہ وفد پاکستان منرلز انسویسٹمنٹ فورم میں شرکت کرے گا۔
محکمہ خارجہ کے مطابق وفد کا یہ دورہ اہم معدنیات کے سیکٹر میں امریکی مفادات کو بڑھانے کی غرض سے کیا جارہا ہے۔ ایریک مئیر پاکستان میں سینئر اہلکاروں سے ملاقاتیں کریں گےتاکہ پاکستان میں امریکی کاروباری کمپنیوں کے لئے مواقع بڑھائے جاسکیں اور دونوں ملکوں کے درمیان معاشی روابط گہرے کیے جائیں۔
