اب کسے چور کہوں، اور  کہوں   کچھ  سادہ۔۔۔

زہر  کو   بانٹنے   والا    نہ   مرا   گھر   نکلے
ظلم  دیکھوں   تو  مری  آنکھ  ذرا تر  نکلے

اب کسے چور کہوں، اور  کہوں   کچھ  سادہ
مہر  کی جن   سے  توقع  تھی ستم   گر  نکلے

دھوپ نکلی ہے بھلے آگ کی صورت یارو
شہر میں آج  کوئی  لے کے کھلا سر  نکلے

ذوق الفت  نہ بڑھاۓ  گا خمار رنداں
مے پلانے  پہ  بضد سارے  گدا گر   نکلے

لوٹنا    اور    لٹانا    تو     چلے    گا    ساقی
جام  پینے  کو   اگر   شہر  کے  تاجر   نکلے

گر  مجھے خود ہی نکلنا ہے کسی  میداں میں
راہبر  آج    ذرا   سوچ   کے   باہر  نکلے

جام مے  روز پلاۓ  جو مہینوں سالوں
ساقیا   تیرے   بجاۓ   تو    قلندر   نکلے

ایک  پیاسا  ہوں  بتائیں  یہ بگڑتی  لہریں
کاش میرے ہی لیے  صاف سمندر نکلے

کام ہے  روح  و  جگر  کا  یہ مگر امبر جی
عشق  و مستی کا  کماں دار نہ پھر  کھر نکلے

کلام : ڈاکٹر شہباز امبر رانجھا