سیالکوٹ یونائیٹد سوسائٹی ناروے کی جانب سے عرفان اللہ وڑائچ کے اعزاز میں عشائیہ کا اہتمام
دبئی (طاہر منیر طاہر) سیالکوٹ بار ایسوسی ایشن کے صدر عرفان اللہ وڑائچ کے دورہ اوسلو ناروے کے دوران سیالکوٹ یونائیٹد سوسائٹی ناروے کے روح رواں شیخ محمد اسلم شاہد کی طرف سے ایک دعوت عشائیہ کا اہتمام کیا گیا جس میں آفتاب وڑائچ ، انجم وڑائچ ، شیخ محمد اکرم ، شیخ امجد رفیق سلمان اسلم ، ذیشان اسلم ، شیخ خلیل خرم،شیخ فرحان عظیم ، مرزا منظور، ظفر اقبال سیال ، جہانگیر برلاس اور سیالکوٹ سے تعلق رکھنے والے لوگوں نےبھر پور شرکت کی- اپنے اعزاز میں تقریب منعقد کرنے اور اس میں شامل ہونے والے افراد کا عرفان اللہ وڑائچ نے شکریہ ادا کیا اور سیالکوٹ سے تعلق رکھنے والے تارکین وطن کے جذبہ خیر سگالی کا خیر مقدم کرتے ھوئے خوشی کا اظہار کیا- تقریب کے آخر میں شرکاء کی تواضع پر تکلف ڈنر سے کی گئی اور مہمان خصوصی عرفان اللہ وڑائچ نے اپنے میزبان شیخ محمد اسلم شاہد کا شکریہ ادا کیا-
