برڈ فلو پھیل گیا ۔۔۔

لندن (مانیٹرنگ ڈیسک) ایک بار پھر برڈ فلو پھیلنے کی خبریں سامنے آ رہی ہیں ۔

خبر  رساں ادارے "پی اے" کے مطابق یارک شائر کے ایسٹ رائڈنگ میں واقع ایک کمرشل پولٹری فارم میں برڈ فلو پھیلنے کی تصدیق ہوگئی۔ HPAI کہلانے والا یہ وائرس بہت تیزی سے پھیلنے والا تصور کیا جاتا ہے۔ برڈفلو کی تصدیق کے بعد متاثرہ مقام کے اردگرد3کلومیٹر فاصلے تک پروٹیکشن زون قائم کردیا گیا ہے جبکہ10کلومیٹر کے سرکل میں مشاہداتی زون قائم کیا گیا اور پولٹری فارم میں موجود تمام مرغیاں ہلاک کردی گئی ہیں۔ یہ 2024کے دوران انگلینڈ میں پھیلنے والی دوسری وبا ءہے۔ پہلی وبا ءفروری میں پھیلی تھی اور اس کا مطلب ہے کہ برطانیہ ابھی ایچ پی اے آئی کے خطرے سے پاک نہیں ہے۔ شمالی آئرلینڈ میں اس وبا کے 6کیسز ریکارڈ کئے جاچکے ہیں۔ پرندے رکھنے والوں پر زور دیا گیا ہے کہ وہ محتاط رہیں اور اپنے پرندوں کی حفاظت کریں۔ اس سے قبل برطانیہ میں بھی اسی طرح کے درجنوں واقعات رونما ہو چکے ہیں۔