ڈائریکٹرجنرل سپورٹس پنجاب خضرافضال کی زیر صدارت کھیلتا پنجاب گیمز کے حوالے سے اہم اجلاس

لاہور(ڈیلی پاکستان آن لائن)ڈائریکٹرجنرل سپورٹس پنجاب خضرافضال کی زیر صدارت کھیلتا پنجاب گیمز کے حوالے سے اہم اجلاس منعقد ہوا ہے، نیشنل ہاکی سٹیڈیم میں ہونیوالے اجلاس میں ڈائریکٹر سپورٹس یاسمین اختراور ڈائریکٹرایڈمن ڈاکٹر محمد کلیم نے شرکت کی ہے جبکہ پنجاب کے تمام ڈویژنل اور ڈسٹرکٹ سپورٹس افسران نے آن لائن شرکت کی ہے، ڈائریکٹرجنرل سپورٹس پنجاب خضرافضال نے اجلاس سے خطاب کرتے ہوئے کہا ہے کہ کھیلتا پنجاب گیمز کے مقابلے پنجاب کے تمام اضلا ع میں ہورہے ہیں، افسران نیا ٹیلنٹ سامنے لانے کیلئے بھرپور اقدامات کریں،کھیلتا پنجاب گیمز کے ڈسٹر کٹ سطح  کے مقابلے 14نومبر کو اختتام پذیر ہوں گے، انٹرکلب ڈسٹر کٹ لیول کے مقابلوں کی اختتامی تقریبات 14نومبر کو پنجاب کے تمام اضلاع میں ہوں گی، ڈائریکٹرجنرل سپورٹس پنجاب خضرافضال نے مزید کہا ہے کہ کھیلتا پنجاب گیمز میں ضلع کی سطح پر بہترین کارکردگی دکھانے والے کھلاڑیوں کو اختتامی تقریبات میں انعامات دیئے جائیں گے، ڈی جی سپورٹس پنجاب خضرا فضال نے پنجاب کے تمام سپورٹس افسران سے ڈسٹرکٹ سطح کے مقابلوں کے بارے میں رپورٹس لیں۔