پنجاب حکومت نے شہریوں کے لیے مفت سولر سکیم کا آغاز کردیا

لاہور(ڈیلی پاکستان آن لائن)پنجاب حکومت نے شہریوں کے لیے مفت سولر سکیم کا آغاز کردیا جس کے تحت 200 یونٹ تک 100 واٹ سولر پینل فراہم کیے جائیں گے۔پنجاب میں فری سولر پینل سکیم شروع کر دی گئی ہے اور حکومت کی جانب سے ماہانہ 200 یونٹ تک کے صارفین کو سولر سسٹم مفت دیا جائے گا۔

صوبائی وزیر اطلاعات عظمیٰ بخاری کا کہنا تھا کہ 100 یونٹ ماہانہ صرف کرنے والے صارفین کو 550 واٹ کا سولر سسٹم ملے گا۔پورٹل میں اپلائی کرنے کیلئے بجلی بل کا ریفرنس نمبر دینا ہوگا اور کرایہ دار، مالک مکان سے این او سی حاصل کرے گا جبکہ سولر پینلز مالک مکان کے نام ہی جاری ہوں گے۔شہریوں نے سکیم کے آغاز کو خوش آئند قرار دیا ہے۔فری سولر پینل سکیم کیلئے کمپیوٹرائزڈ قرعہ اندازی کی جائے گی اور سال بھر ایک لاکھ سولر سسٹم تقسیم ہوں گے۔