کیا قطر ایئر ویز واقعی پاکستان میں اپنے دفاتر بند کر رہاہے؟ ایئرلائن نے واضح اعلان کر دیا 

دوحہ (ڈیلی پاکستان آن لائن )قطر ایئرویز نے آپریشنل اخراجات کو کم کرنے کے لیے پاکستان بھر میں دفاتر بند کرنے کی حالیہ خبروں پر وضاحت پیش کردی ہے ۔

رپورٹ کے مطابق قطر ایئرلائن نے پاکستان میں دفاتر بند کرنے کے تمام دعووں کی تردید کی ہے۔ائیرلائن کی جانب سے اپنے ایکس اکاؤنٹ پر پوسٹ میں لکھا کہ قطر ایئرویز کی پاکستان آنے اور جانے والی پروازیں معمول کے مطابق چل رہی ہیں، اور ہمارے دفاتر کھلے ہیں۔

قطر ایئرلائن نے مزید کہا کہ حال ہی میں شائع ہونے والی رپورٹس جن میں دعویٰ کیا گیا ہے کہ قطر ایئرویز نے پاکستان میں اپنے دفاتر بند کر دیے ہیں، وہ خبریں غلط ہیں۔ایئر لائن نے واضح کیا ہے کہ اخراجات میں کمی کے لیے دفاتر بند کرنے کی افواہیں درست نہیں ہیں۔ تمام دفاتر کھلے رہیں گے اور پروازیں معمول کے مطابق رواں دواں رہیں گی۔