قصور سرکل میں لیسکو کے 3لائن سپرنٹنڈنٹ گرفتار

لاہور (ڈیلی پاکستان آن لائن )وزیر داخلہ محسن نقوی کی ہدایت پر ایف آئی اے لاہور زون نے کارروائی کرتے ہوئے لیسکو کے 3 لائن سپرنٹنڈنٹ گرفتار کرلئے۔ ترجمان کا کہنا ہے کہ ایف آئی اے اینٹی کرپشن سرکل میں لائن سپرنٹنڈنٹس کیخلاف 18ٹرانسفارمرز خورد برد کرنے پر مقدمہ درج ہوا،ملزمان کو لاہور ہائیکورٹ سے ضمانتیں خارج ہونے پر گرفتار کیاگیا،ملزمان ہمایوں اصغر، حکیم ساجد اور اشرف لیسکو قصور سرکل میں تعینات تھے۔ ترجمان ایف ا?ئی اے کاکہناہے کہ ملزمان نے ٹرانسفارمرز سٹور میں جمع کروانے کے بجائے پرائیویٹ ورکشاپ میں رکھے،ٹرانسفارمرز کو غیر قانونی طور پر اپنی تحویل میں رکھا،ملزمان سے تفتیش میں مزید انکشافات کی توقع ہے۔