عدنان شیخ نے آخر کار اپنی بیوی کے مذہب کے بارے میں خاموشی توڑ دی

ممبئی (ویب ڈیسک)بگ باس سیزن 3 سے شہرت حاصل کرنے والے عدنان شیخ نے آخر کار اپنی اہلیہ عائشہ کے مذہب کے بارے میں خاموشی توڑتے ہوئے تمام افواہوں کی تردید کر دی ہے۔

بھارتی میڈیا کے مطابق عدنان نےاپنی گرل فرینڈ عائشہ سے شادی کی ہے جوکہ ایئرہوسٹس تھی اور جس کے متعلق ان کی بہن نے دعویٰ کیا تھا کہ عائشہ ہندو ہے۔ اپنی بہن کے اس بیان کے بعد ان دونوں کے درمیان کافی جھگڑا بھی ہوا تھا۔اب انسٹاگرام پرسوال وجواب کے سیشن میں عدنان شیخ نے دوٹوک الفاظ میں کہاکہ ان کی بیوی مسلمان ہیں اور اسلام میں انٹرکاسٹ شادی کی کوئی گنجائش نہیں ہے۔ اور ایسی شادیوں سے پیدا ہونے والے بچے جائز نہیں ہوتے ہیں۔

بھارتی میڈیا کے مطابق عدنان شیخ کی اہلیہ نے شادی کے دوران اپنا چہرہ چھپایا ہوا تھا اور اس کے بعد عدنان کی بہن عفت نے ان پرالزام لگایا تھا کہ عدنان نے ہندو لڑکی ردھی رادیو سے شادی کی ہے۔ عفت کا یہ بھی کہنا تھا کہ ردھی نے اب اسلام قبول کرلیا ہے اور وہ عدنان سے پہلے ہی شادی کرچکی تھی۔

عفت نے اپنے انسٹاگرام پر عائشہ اوران کے اہل خانہ کی تصاویر بھی پوسٹ کی تھیں اور بھارتی میڈیارپورٹ کے مطابق انڈیگو نے عائشہ کی تصویر کو پوسٹ کرتے ہوئے اسے ردھی جاھو کے نام سے ٹیگ کیا تھا۔اب عدنان شیخ نے انسٹاگرام پر" آسک می اینی تھینگ" سیشن رکھا تھا اس سیشن میں ایکی شخص نے ان سے پوچھا کی کیا ان کی بیوی ہندوہے؟ اس کے جواب میں عدنان نے کہا کہ ان کی بیوی مسلم ہے اور مسلمانوں میں انٹر کاسٹ شادی نہیں ہوسکتی ہے اور جو لوگ انٹر کاسٹ شادیاں کرتے ہیں ان کا رشتہ ناجائز ہوتا ہے اور ان سے ہونے والے بچے بھی جائز نہیں ہوتے ہیں۔