تیرے چہرے کی طرح اور میرے سینے کی طرح | مصطفیٰ زیدی|
تیرے چہرے کی طرح اور مرے سینے کی طرح
میرا ہر شعر دمکتا ہے نگینے کی طرح
پھول جاگے ہیں کہیں تیرے بدن کی مانند
اوس مہکی ہے کہیں تیرے پسینے کی طرح
اے مجھے چھوڑ کے طوفان میں جانے والی
دوست ہوتا ہے طلاطم میں سفینے کی طرح
اے مرے غم کو زمانے سے بتانے والی
میں ترا راز چھپاتا ہوں دفینے کی طرح
تیرا وعدہ تھا کہ اس ماہ ضرور آئے گی
اب تو ہر روز گزرتا ہے مہینے کی طرح
شاعر: مصطفیٰ زیدی
(شعری مجموعہ:گریباں)
Teray Chehray Ki Tarah Aor Meray Seenay Ki Tarah
Mera Har Sher Damakta Hay Nageenay Ki Tarah
Phool Jaagay Hen Kahen Teray Badan Ki Maanind
Aos Mehki Hay Kahen Teray Paseenay Ki Tarah
Ay Mujhay Chorr K Tufaan Men Jaanay Waali
Dost Hota Hay Talaatum Men Safeenay Ki Tarah
Ay Miray Gham Ko Zamaanay Say Bataanay Waali
Main Tira Raaz Chhupaata Hun Dafeenay Ki Tarah
Tera Waada Tha Keh Iss Maah Zaroor Aaey Gi
Ab To Har Roz Guzrta Hay Maheenay Ki Tarah
Poet: Mustafa Zaidi