چائے کے ہوٹل پر چوری کیلئے آنے والا چور روشن دان میں پھنس کر ہلاک
سورس: Pxhere.com
ٹوبہ ٹیک سنگھ (ویب ڈیسک) پنجاب کے ضلع ٹوبہ ٹیک سنگھ کی تحصیل گوجرہ کے نواحی گاؤں میں چائے کے ہوٹل پر چوری کرنے کے لیے آنے والا چور روشن دان میں پھنس کر ہلاک ہوگیا۔
آج نیوز کے مطابق پولیس کا کہنا ہے کہ قمرعباس نامی چور مبینہ طور پر چوری کی نیت سے چائے کے ہوٹل میں داخل ہوتے ہوئے پھنس گیا اور دم گھٹنے سے موت کے منہ میں چلا گیا۔ اطلاع ملنے پر پولیس اور ریسکیو 1122 نے لٹکتی لاش کو اتار کر ہسپتال منتقل کر دیا۔
