شردھا کپور کے موبائل وال پیپر نے اداکارہ کا بڑا راز فاش کر دیا
ممبئی (ویب ڈیسک) بالی ووڈ کی اداکارہ شردھا کپور کے موبائل کی ایک تصویر خوب وائرل ہورہی ہے، جس نے اداکارہ کی زندگی کے ایک بڑے راز کا پردہ چاک کردیا ہے۔
شردھا کپور کی نجی زندگی ہمیشہ خبروں میں رہتی ہے، اور مداح ان کی ڈیٹنگ لائف کے بارے میں مزید جاننے کے منتظر رہتے ہیں۔
حالیہ دنوں میں شردھا اور اسکرپٹ رائٹر راہول مودی کے درمیان ڈیٹنگ کی قیاس آرائیاں کی جارہی ہیں، لیکن دونوں نے اس کی تصدیق نہیں کی۔ تاہم، شردھا کپور کے موبائل وال پیپر کی ایک تصویر وائرل ہو گئی ہے، جس نے اداکارہ کے مبینہ بوائے فرینڈ کا نام بھی ظاہر کر دیا۔
میڈیا کا سامنا کرتے ہوئے شردھا کپور کی ایک اچانک لی گئی تصویر سوشل میڈیا پر وائرل ہورہی ہے جس میں اداکارہ کے موبائل وال پیپر نے صارفین کی توجہ حاصل کرلی ہے۔
اس تصویر میں ایک لڑکا انھیں گلے لگارہا ہے۔ وائرل تصویر پر تبصرہ کرتے ہوئے کسی نے پوچھا ’’وہ کون ہے‘‘، جس پر ایک اور مداح نے جواب دیا ’’راہول مودی‘‘۔
یاد رہے کہ گزشتہ ماہ شردھا نے اپنی انسٹاگرام اسٹوری میں بھی راہول مودی کو ٹیگ کرتے ہوئے کیپشن لکھا تھا کہ ’’کیا میں ہمیشہ آپ کو اپنے لیے وڈاپاؤ لینے کےلیے دھمکی دے سکتی ہوں‘‘۔
شردھا کے موبائل وال پیپر کی تصویر دیکھنے کے بعد مداحوں کو اداکارہ اور راہول مودی کے درمیان تعلقات کی افواہوں پر یقین آگیا ہے اور سوشل میڈیا صارفین کی جانب سے وائرل تصاویر پر دلچسپ تبصرے کیے جارہے ہیں۔
اداکارہ شردھا کپور ان دنوں اپنی بلاک بسٹر فلم استری 2 کی بے مثال کامیابی کے بعد خبروں میں ہیں اور خبریں ہیں کہ جلد ہی مداحوں کو استری 3 بھی دیکھنے کو ملے گی۔
