پیٹرولیم مصنوعات کی قیمتوں میں بڑے اضافےکا امکان 

 لاہور (ڈیلی پاکستان آن لائن )عالمی منڈی میں خام تیل کی بڑھتی ہوئی قیمتوں کے باعث پاکستان میں بھی پیٹرولیم مصنوعات مہنگی ہونے کا امکان ہے ۔

نجی ٹی وی" ایکسپریس نیوز "نے ذرائع سے دعویٰ کیاہے کہ پیٹرول کی قیمت میں ساڑھے تین روپے ، ڈیزل3 روپے 70 پیسے ، لائٹ ڈیزل 5 روپے جبکہ مٹی کا تیل 6 روپے سے زائد مہنگا ہونے کا امکان ہے ۔

اوگرا نے قیمتوں میں اضافے کیلئے سمری وزارت خزانہ کو بھجوا دی ہے تاہم حتمی منظوری وزیراعظم دیں گے ۔ 

واضح رہے کہ عالمی مارکیٹ میں خام تیل کی قیمتوں میں خطے میں جاری کشیدگی کے باعث اضافہ ہو رہاہے ۔