جائیداد کے تنازع پر چچا نے 2 بھتیجوں کو قتل کردیا
دادو(ڈیلی پاکستان آن لائن) زمین کے تنازع پر چچا اور بھتیجوں کے درمیان جھگڑے میں فائرنگ سے 2 نوجوان بھتیجے جاں بحق ہوگئے۔
پولیس کے مطابق ضلع دادو کی حدود میں واقع گاؤں امام بخش بھنڈ میں زمین کے تنازع پر چچا اور بھتیجوں کے درمیان جھگڑا ہوگیا، اس دوران ہونے والی فائرنگ کے نتیجے میں 2 نوجوان بھتیجے مختیار علی اور محمد حنیف بھنڈ جاں بحق ہوگئے۔
"ایکسپریس نیوز" کے مطابق واقعے کی اطلاع ملتے ہی پولیس جائے وقوعہ پر پہنچ گئی اور لاشیں ڈی ایچ کیو ہسپتال دادو منتقل کردیں، جہاں سے پوسٹ مارٹم اور قانونی کارروائی کے بعد نعشیں ورثاء کے حوالے کر دی گئیں۔
پولیس کے مطابق واقعے کا مقدمہ درج کرلیا گیا ہے اور تحقیقات جاری ہیں، تاہم ملزمان اپنا گھر بار چھوڑ کر فرار ہوگئے ہیں جن کی گرفتاری کے لیے چھاپے مارے جارہے ہیں۔
