معروف شاعر اے جی جوش کا یومِ وفات(15دسمبر)

اے جی جوش:

اے جی جوش 11اپریل 1928ء کو امرتسر میں پیدا ہوئے۔  ان  کا اصل نام عبدالغفور ہے۔ ایم اے او کالج امرتسر میں دوران تعلیم عبدالغفور جوش کے نام سے لکھنا شروع کیا اور بعد ازاں ’’اے جی جوش‘‘ کے نام سے مشہور ہو گئے۔  برطانوی کمپنی برما شیل میں ملازمت کر کے اپنی عملی زندگی کا آغاز کیا۔ پہلی تقرری ملتان میں ہوئی اور تقسیم ہند کے بعد پاکستان کے مختلف شہروں میں تعینات رہے۔55 سال کی عمر میں1986ء میں ملازمت سے ریٹائر ہو گئے۔ 
ان کی غزلیں اور نظمیں مختلف اخبارات و جرائد میں شائع ہوتی رہتی ہیں۔ انہوں نے ایک ادبی میگزین ’’ادب دوست‘‘ کا اجرأ کیا جو ان کی وفات کے بعد بھی ان کے فرزند خالد تاج کے زیر ادارت شائع ہو رہا ہے۔ 
اے جی جوش کے اردو کے تین شعری مجموعے’’دیر آید‘‘، ’’عشق کے دو موسم‘‘ اور ’’یہ جہانِ آرزو ہے‘‘

اور دو پنجابی مجموعے’’دل دے بوہے ‘‘ اور ’’دل دیاں باریاں‘‘ ے نام سے شائع ہو چکے ہیں۔

اے جی جوش 15 دسمبر 2007ء کو لاہور میں تقریباً ۸۰ سال کی عمر میں انتقال کر گئے۔

نمومۂ کلام

ان کے چہرے کی چمک شمس و قمر ہو جیسے
ان کے عارض کی ضیا نور سحر ہو جیسے

دل میں ہر لحظہ یہ ہوتی ہے خلش سی محسوس
ناوکِ ناز کا ہلکا سا اثر ہو جیسے

میری منزل کا پتہ مجھ کو بتا دے کوئی
راہبر ایسا ملے کوئی خضر ہو جیسے

اسی طرح میری محبت کا ہوا ہے چرچا
سنسنی خیز کوئی تازہ خبر ہو جیسے

بے خودی جوش پہ اس بزم میں چھائی ایسے
بے خبر ہو کے زمانے کی خبر ہو جیسے

شاعر: اے جی جوش

Un   K   Chehray   Ki   Chamak   Shams-o-Qamar   Ho    Jaisay

Un   K   Aariz   Ki   Zia   Noor-e-Sahar   Ho    Jaisay

 Dil   Men   Har   Lehza   Yeh   Hoti   Hay   Khalish   Si   Mehsoos

Naavik-e-Naaz   Ka   Halka   Sa   Asar   Ho    Jaisay

 Meri   Manzil   Ka   Pata   Mujh    Ko   Bataa   Day   Koi 

Raahbar   Aisa   Milay   Koi   Khizar   Ho    Jaisay

 Isi   Tarah   Meri    Muhabbt   Ka    Hua   Hay   Charcha

Sansani   Khaiz   Koi   Taaza   Khabar   Ho    Jaisay

 Be   Khudi   JOSH    Pe   Iss   Bazm   Men   Chhaai   Aisay

Be  Khabar    Ho   K   Zamaanay   Ki   Khabar   Ho    Jaisay

Poet: A   G   Josh