ہمارے آگے ترا جب کسو نے نام لیا | میر تقی میر |
ہمارے آگے ترا جب کسو نے نام لیا
دل ستم زدہ کو ہم نے تھام تھام لیا
خراب رہتے تھے مسجد کے آگے میخانے
نگاہ مست نے ساقی کی انتقام لیا
مزا دکھا دیں گے بے رحمی کا تری صیاد
گر اضطراب اسیری نے زیر دام لیا
مرے سلیقے سے میری نبھی محبت میں
تمام عمر میں ناکامیوں سے کام لیا
اگرچہ گوشہ گزیں ہوں میں شاعروں میں میر
پہ میرے شور نے روے زمیں تمام لیا
شاعر: میر تقی میر
(شعری مجموعہ: دیوانِ میر)
Hamaaray Aagay Tira Jab Kasu Nay Naam Liya
Dil-e-Sitam Zadaa Ko Ham Nay Thaam Thaam Liya
Kharaab Rehtay Thay Masjid K Aagay Maikhaanay
Nigaah-e-Mast Nay Saaqi Ki Intaqaam Liya
Maza Dikhaa Den Gay Be Rehmi Ka Tiri Sayyaad
Gar Iztaraab -e-Aseeri Nay Zer-e-Daam Liya
Miray Saleeqay Say Meri Nibhi Muhabbat Men
Tamaam Umr Men Nakaamiun Say Kaam Liya
Agarcheh Gosha Guzeen Hun Main Shaairon Men MEER
Pa Meray Shor Nay Roo-e-Zameen Tamaam Liya
Poet: Meer Taqi Meer
