سب تن کھائیو | اصغر ندیم سید|

سب تن کھائیو

سونے والی رات آئی ہے
سو جاؤ
اور خواب کی انگلی تھام کراندھا سفر کرو
تارے توڑ کے لانے والے عاشق بھی سو جائیں گے
سو جائیں گے سارے رستے
رستہ تکتی آنکھیں بھی سو جائیں گی
وعدوں کے انبار تلے
تم بھی اپنی آنکھیں اپنے راز سمجھ کے بند کرو
کاگا ظالم سب تن کھائے
آنکھیں سب سے پہلے کھائے
سونے والی رات آئی ہے
سو جاؤ

شاعر: اصغر ندیم سید

(شعری مجموعہ: ادھوری کلیات، سالِ اشاعت، 2014)

Sonay   Waali   Raat   Aai   Hay 

So   Jaao

Aor   Khaab   Ki   Ungli   Thaam   K   Andha   Safar   Karo

Taaray   Torr   K   Laanay   Waalay   Aashiq   Bhi   So   Jaaen  Gay

So   Jaaen   Gay   Saaray   Rastay

Rasta  Takti   Aankhen   Bhi   So   Jaaen   Gi

Waadon   K   Anbaar  Talay

Tum   Bhi   Apni   Aankhen    Apnay    Raaz   Samjh   K   Band   Karo

Kaaga    Zaalim   Sab  Tan   Khaaey

Aankhen    Sab   Say   Pehlay   Khaaey

Sonay   Wali    Raat    Aai   Hay

So Jaao

Poet: Asghar Nadeem Sayed