اکثر ایسا ہوتا ہے | اصغر ندیم سید |

اکثر ایسا ہوتا ہے | اصغر ندیم سید |
اکثر ایسا ہوتا ہے | اصغر ندیم سید |

  

اکثر ایسا ہوتا ہے

اکثر ایسا ہوتا ہے

جب گیت مرے 

گندم کے خوشے بن جاتے ہیں

اکثر ایسا ہوتا ہے

جب انگوروں کے گچھے بن کر

پکنے تک خاموش ریاضت کرتے ہیں

یہ گیت مرے

شہروں کے سماج سے بچ کر

ملاحوں کی بستی میں آ جاتے ہیں

اور ان کے ننگے بچوں جیسے ہو جاتے ہیں

گیت مرے 

جو بارش کی سنگت میں رقص کی لے پر

مجھ سے باغی ہو جاتے ہیں

مجھ سے زیادہ آزادی کی قدروں کو پہچانتے ہیں

مجھ سے زیادہ منصف اورمردانہ صفتوں کے مالک ہیں

مجھ سے زیادہ جیتے ہیں

اور مجھ سے زیادہ ہنستے ہیں

یہ گیت مرے

پھیری والوں کی صدائیں نہیں ہیں

بازاروں کی بھیڑ نہیںہیں

واعظ کا خطبہ بھی نہیں ہیں

گیت مرے گندم کے خوشے

انگوروں کے گچھے

اور ملاحوں کے بچے ہیں

اکثر ایسا ہوتا ہے

جب گیت مرے

سورج مکھی کے میلوں تک پھیلے ہوئے کھیت میں چھپ جاتے ہیں

شاعر: اصغر ندیم سید

(شعری مجموعہ: ادھوری کلیات، سالِ اشاعت، 2014)

Aksar Ais Hota Hay

Aksar    Aisa   Hota   Hay

Jab   Geet   Miray

Gandam   K   Khoshay   Ban   Jaatay   Hen

Aksar   Aisa   Hota   Hay

Jab   Angooron   Kay   Guchhay   Ban   Kar 

Paknay    Tak   Khamosh   Rayazat   Kartay   Hen

Yeh   Geet   Miray

Shehron   K   Samaaj   Say   Bach   Kar

Mallaahon   Ki   Basti   Men   Aa   Jaatay   Hen

Aor   Un   K    Nangay    Bachay   Ban   Jaatay   Hen

Geet   Miray

Jo   Baarish   Ki   Sangat   Men   Raqs   Ki   Lay   Par

Mujh   Say   Baaghi   Ho   Jaatay   Hen

Mujh   Say   Zayaada   Aazaadi   Ki   Qadron   Ko   Pehchaantay   Hen

Mujh   Say   Zayaada   Munsif   Aor   Mardaana   Sifton   K   Maalik   Hen

Mujh   Say   Zayaada   Jeetay   Hen

Aor   Mujh   Say   Zayaada   Hanstay   Hen

Yeh   Geet   Miray

Phairi   Waalon   Ki   Sadaaen   Nahen   Hen

Bazaaron   Ki   Bheerr   Nahen   Hen

Waaiz    Ka   Khutba   Bahi   Nahen  Hen

Geet   Meray   Gandam   K   Khoshay   Hen

Angooron   K   Guchhay

Aor   Mallaahon   K   Bachay   Hen

Aksar   Aisa   Hota   Hay

Sooraj   Mukhi   K   Meelon   Tak  Phialay   Huay   Khait   Men   Chhup   Jaatay   Hen

Poet: Asghar   Nadeem   Sayed

مزید :

شاعری -سنجیدہ شاعری -