سعودی عرب کو فیفاء2034 کے انعقاد کا اعزاز ملنے پر جدہ میں پاک سعودی بزنس کمیونٹی کی تقریب کا انعقاد

جدہ ( محمد اکرم اسد) سعودی عرب کی خوشیوں میں پاکستانیوں کی بھرپور شرکت اور سعودی عرب کو خراج تحسین  ہمارے حوصلوں کو بلند کرتا ہے کہ ہماری خوشیوں میں ہمیشہ  شانہ بشانہ اسلامی ملک پاکستان ہے یہ بات جدہ میں پاک سعودی بزنس کمیونٹی کی شاندار تقریب جو  سعودی عرب کو فیفاء2034 کے انعقاد کا اعزاز ملنے پر سجائی گئی تھی جس میں سینکڑوں  کی تعداد میں  مختلف مکاتب فکر کے پر  جوش پاکستانی اور بڑی تعداد میں مقامی سعودی موجود تھے، سعودی بزنس مین اور مختلف اداروں میں موجود سعودی نوجوانوں نے اپنی تقاریر میں کہا    کہ فیفا  2034 ء سعودی نوجوانوں،  تمام دنیا کے فٹبال شائیقین کو  اپنی طرف راغب کرتا ہے اورآج کی صورتحال میں یہ سعودی عرب ہی ہے جو اتنے بڑے ٹورنامنٹ کے بہتر انتظامات  کرسکتا ہے، یہاں کی سکیورٹی، انتظامات سے کوئی مقابلہ نہیں کرسکتا، سعودی مقررین نے کہا کہ  ہم شکریہ ادا کرتے ہیں منتظمین کا انہوں نے اتنی شاندار تقریب سجائی اور ہمیں دعوت دی۔   تقریب  میں خصوصی طور  پنجاب کے سابق وزیر صحت اور ہلال احمر پاکستا ن کے  سابق چیئرمین ڈاکٹر سعید الہی نے شرکت کی اور کہا کہ سعودی عرب کی ہرخوشی  پاکستان کی خوشی ہے ، سعودی عرب سے پاکستان کے رشتے پاکستان کی افرادی قوت، کشمیر پالیسی، ہر قدم پر پاکستان کی معیشت کو سہارا دینے والے ملک سے ہمارے رشتے روز بروز مضبوط ہورہے ہیں ولی عہد محمد بن سلمان کا ویژن اسوقت دنیا میں سعودی عرب کو ہر محاذ پر  پہلے نمبر پر لارہا ہے، تقریب میں سعودی مہمانوں کے ہمراہ خوشی میں کیک بھی کاٹا گیا، تقریب کے منتظم عقیل آرائیں نے تمام مہمانوں کا شکریہ ادا کیا  اور کہاکہ سعودی بھائیوں کی خوشی ہماری خوشی ہے ہم یک جان دوقالب ہیں جبکہ ملک منظور حسین اعوان نے مہمانوں کو خوش آمدید کہتے ہوئے مبارکباد پیش کی۔ نظامت کے فرائض انجم وڑائچ نے اداکئے۔ تقریب کے دوران سعودی مہمان پاکستان اور سعودی عرب کے جھنڈے لہراتے رہے۔  تقریب  میں پاکستانیوں کے مختلف فورمز کے عہدیداروں کی بڑی تعداد موجود تھی  تقریب سے سردار اقبال، ڈاکٹر سمیرا عزیز، صائمہ طارق چودھری، امیر محمد خان، ڈاکٹر ڈاوڑ نے بھی خطاب کیا جبکہ قاری محمد آصف نے تلاوت کلام پاک پیش کی۔ تقریب کے اختتام پر پُرتکلف عشایہ دیا گیا۔