صدر آصف علی زرداری لاہور پہنچ گئے:انتظامیہ نے استقبالیہ بینرز اتار دیئے

لاہور (ڈیلی پاکستان آن لائن )صدر مملکت آصف علی زرداری کی لاہور آمد سے قبل ہی پارکس اینڈ ہارٹیکلچر اتھارٹی لاہور(پی ایچ اے انتظامیہ) نے ان کے استقبالیہ بینرز اتار دیئے۔
نجی ٹی وی آج نیوز نے پیپلز پارٹی کے رہنما فیصل میر کے حوالے سے بتایا کہ صدر آصف علی زرداری کی لاہور آمد سے قبل ہی جیل روڈ ، گلبرگ مین بلیوارڈ پر لگائے ہوئے تمام بینرز اتار دیئے گئے۔
انہوں نے کہا کہ استقبالیہ بینرز چند گھنٹوں کے لئے لگائے گئے تھے، پی ایچ اے کے اہلکاروں نے پیپلز پارٹی کے کارکنوں کے ساتھ غنڈہ گردی کی، پی پی کارکنوں کے موبائل فون چھین لئے گئے۔
یاد رہے کہ گذشتہ ماہ 27 فروری کو بھی صدر آصف علی زرداری نے لاہورکا دورہ کیا تھا۔