الیکشن کمیشن آف پاکستان کے غیر فعال ہونے کا خدشہ

الیکشن کمیشن آف پاکستان کے غیر فعال ہونے کا خدشہ
 الیکشن کمیشن آف پاکستان کے غیر فعال ہونے کا خدشہ

  


اسلام آباد(ڈیلی پاکستان آنلائن)الیکشن کمیشن آف پاکستان کے غیر فعال ہونے کا خدشہ پیدا ہو گیا، دو ممبران کے بعد چیف الیکشن کمشنر بھی ریٹائرمنٹ کے قریب پہنچ گئے۔

نجی ٹی وی کے مطابق  چیف الیکشن کمشنر سردار رضا خان دسمبر کے پہلے ہفتے میں ریٹائر ہو جائیں گے، چیف الیکشن کمشنر کی ریٹائرمنٹ سے الیکشن کمیشن غیر فعال ہوجائے گا۔ چیف الیکشن کمشنر کی ریٹائرمنٹ کے 45 روز تک نئے چیف کی تعیناتی ضروری ہے، الیکشن کمیشن نے وزارت پارلیمانی امور کو خط لکھ کرصورتحال سے آگاہ کر دیا ہے۔ چیف الیکشن کمشنر کی عدم تعیناتی کی صورت میں انتخابات نہیں ہوسکیں گے۔ چیف الیکشن کمشنر کی تعیناتی کے لیے بھی وزیراعظم عمران خان اور اپوزیشن لیڈر میاں محمد شہباز شریف میں مشاورت لازمی ہے۔ دونوں میں عدم اتفاق پر یہ معاملہ بھی پارلیمانی کمیٹی کے سپرد ہو گا۔ذرائع کے مطابق الیکشن کمیشن کے سندھ اور بلوچستان کے ممبران 7 ماہ سے تعینات نہیں ہوسکے، الیکشن کمیشن کے دونوں ممبران کی تعیناتی پر پارلیمانی کمیٹی تاحال ڈیڈ لاک کا شکار ہے۔

مزید : علاقائی /اسلام آباد


loading...