12 افسروں کی گریڈ 18 میں ترقی
لاہور ( ڈیلی پاکستان آن لائن )محکمہ اطلاعات پنجاب کی محکمانہ پروموشن کمیٹی کے اجلاس میں محکمہ تعلقات عامہ کے 12 افسران کو گریڈ 18 میں ڈپٹی ڈائریکٹر کے طور پر ترقی دے دی گئی۔
کمیٹی کا اجلاس سیکرٹری اطلاعات سید طاہر رضا ہمدانی کی زیر صدارت ہوا جس میں ڈائریکٹر جنرل پبلک ریلیشنز پنجاب غلام صغیر شاہد، ڈپٹی سیکرٹری ریگولیشنز محمد سلیم اور دیگر افسران نے شرکت کی۔
گریڈ 18 میں ترقی پانے والوں میں فرحان علی، آغا احتشام حیدر،منور حسین، نثار احمد خان، سید سلمان حسین، محمد اویس عابد، محمد وسیم، عظمیٰ زبیر، امبر جبین، عبدالرؤف اعوان ، عاصم اقبال راجہ اور حافظ قیصر عباس شامل ہیں۔
