وفاقی کابینہ کا اجلاس آج طلب

اسلام آباد(سٹاف رپورٹر)وفاقی کابینہ کا اجلاس آج منگل کو ہو گا جس میں 15نکاتی ایجنڈے کی منظوری دی جائے گی، قرضوں سے متعلق انکوائری کمیشن کی تشکیل کا معاملہ بھی زیر غور آئے گا۔وفاقی کابینہ کا اجلاس وزیراعظم عمران خان کی زیرصدارت ہو گا، وزیراعظم شنگھائی تعاون تنظیم میں ہوئے معاہدے اور عالمی رہنماؤں سے ہوئی باہمی بات چیت پر کابینہ کو اعتماد میں لیں گے، اجلاس میں 24 ہزار ارب کے قرضوں کے حوالے سے انکوائری کمیشن کی تشکیل کا معاملہ بھی زیر غور آئے گا۔کابینہ ملک کی موجودہ سیاسی صورتحال اور معاشی اقدامات کا بھی جائزہ لے گی اور 15 نکاتی ایجنڈہ پر بھی غور کرے گی، ایجنڈے میں احساس پروگرام، ویزا پالیسی کو نرم بنانا، پاک ایران میری ٹائم سرچ اینڈ ریسکیو معاہدے کی منظوری بھی شامل ہے۔کابینہ ریلوے بورڈ کے نجی رکن کی تعیناتی کی بھی منظوری دے گی، بجلی کی تقسیم کار کمپنیوں میں کام کرنے والے ملازمین کو مستقل کرنے کا معاملہ بھی زیر غور آئے گا۔
وفاقی کابینہ