شیخوپورہ سے اغواءکی جانے والی ماں بیٹیاں لاہور سے بازیاب

شیخوپورہ(ڈیلی پاکستان آن لائن ) نواحی علاقے شرقپور میں پولیس نے اغوا کی جانے والی ماں اور اس کی 2 بیٹیوں کو لاہور سے بحفاظت بازیاب کرا لیا۔
نجی ٹی وی جیو نیوز نے ڈی پی او بلال ظفر کے حوالے سے بتایا کہ شرقپور کے علاقے مہتمم شریف سے ملزم طارق نے خاتون ثناءاور اس کی بیٹیوں کو گھر سے اغوا کیا۔
انہوں نے کہا کہ اطلاع ملنے پر پولیس نے کارروائی کرکے مغوی خواتین کو لاہور سے بازیاب کرا کر ملزم طارق کو گرفتار کر لیا۔
ادھر مغوی خاتون ثناء نے الزام عائد کیا کہ ملزم طارق اسے زبردستی زیادتی کا نشانہ بناتا رہا۔
ڈی پی او بلال ظفر شیخ کا کہنا تھا کہ دوران تفتیش انصاف کے تقاضے پورے کئے جائیں گے۔