سندھ میں سینکڑوں خواجہ سرا ءقتل ہوچکے ہیں، شہزادی رائے

کراچی(ڈیلی پاکستان آن لائن)مورت مارچ کی سربراہ  شہزادی رائے نے کہا ہے کہ سندھ میں سینکڑوں خواجہ سراء قتل ہوچکے ہیں۔کراچی پریس کلب میں میٹ دی پریس کے دوران  شہزادی رائے  نے کہا کہ سندھ میں بدمعاش خواجہ سراؤں سے بھتے لیتے ہیں۔

انہوں نے کہا کہ صوبے میں سیکڑوں خواجہ سراء قتل ہوچکے ہیں ،صوبائی حکومت خواجہ سراؤں کے حوالے سے اپنی ذمے داریاں پوری کرے۔ شہزادی رائے  نے مزید کہا کہ سندھ میں خواجہ سراؤں سے مالک مکان کرایہ دگنا لیتے ہیں، انہیں سرکاری نوکری بھی نہیں دی جاتی ۔

انہوں نے اس دوران 24 نومبر کو حیدرآباد میں مورت مارچ کرنے کا اعلان کیا۔