عدلیہ مخالف تقاریر اور پی ٹی آئی کا جلسہ رکوانے کیلئے ہائیکورٹ میں درخواست دائر

لاہور(ڈیلی پاکستان آن لائن)عدلیہ مخالف تقاریر اور پی ٹی آئی کا جلسہ رکوانے کیلئے ہائیکورٹ میں درخواست دائرکردی گئی۔

نجی ٹی وی چینل دنیا نیوز کے مطابق درخواست مرزا واحد رفیق نے ایڈووکیٹ ندیم سرور کی وساطت سے دائر کی،درخواست میں حکومت پنجاب سمیت دیگر کو فریق بنایا گیا ہے،درخواست میں موقف اختیار کیا گیا ہے کہ پی ٹی آئی لیڈرشپ سکیورٹی خدشات کے تحت عدالت سے رجوع کرتی رہی ہے،پی ٹی آئی اپنے موقف سے ہٹ کر لاہور میں جلسہ کرنے جارہی ہے،پی ٹی آئی کے 8ستمبر کے جلسے میں حکومت اور عدلیہ کیخلاف زبان استعمال کی گئی ،پی ٹی آئی لیڈرشپ ایک بار پھر جلسے میں عدلیہ مخالف تقاریر کر سکتی ہے،درخواست میں استدعا کی گئی ہے کہ عدالت پی ٹی آئی لیڈرشپ کی عدلیہ مخالف تقاریر  روکنے کا حکم دے۔