لکی مروت میں نامعلوم افراد کی فائرنگ، ایف سی اہلکار شہید

لکی مروت (ڈیلی پاکستان آن لائن )خیبرپختونخوا کے ضلع لکی مروت میں تھانہ غزنی خیل کی حدود میں نامعلوم مسلح افراد کی فائرنگ سے ایک ایف سی اہلکار شہید ہو گیا۔
روز نامہ امت نے پولیس کے حوالے سے بتایا کہ فائرنگ کا واقعہ اچانک پیش آیا، جس کے بعد ملزمان فرار ہونے میں کامیاب ہو گئے۔ شہید اہلکار کی شناخت عطاءاللہ کے نام سے ہوئی ہے، جس کی لاش کو پوسٹ مارٹم کے لیے قریبی ہسپتال منتقل کر دیا گیا ہے۔
واقعے کے بعد پولیس نے علاقے کو گھیرے میں لے کر ملزمان کی تلاش اور گرفتاری کے لئے کارروائی شروع کر دی ہے۔ پولیس کا کہنا ہے کہ تحقیقات جاری ہیں اور جلد ملزمان کو قانون کی گرفت میں لایا جائے گا۔