آئی سی سی چیمپئنز ٹرافی: پاک بھارت ٹاکرا کی تاریخ کا اعلان، بھارتی میڈیا کا دعویٰ
سورس: Facebook/PakistanCricketBoard
لاہور (ویب ڈیسک) آئی سی سی چیمپئنز ٹرافی کے سب سے بڑے پاک بھارت ٹاکرے کا انعقاد 23 فروری 2025 کو ہونے کی توقع ہے۔
بھارتی میڈیا کا دعویٰ ہے کہ اس ہائی وولٹیج مقابلے کی میزبانی دبئی یا کولمبو میں کی جائے گی، وینیو کا فیصلہ ہونے کے بعد چیمپئنز ٹرافی کا مکمل شیڈول جاری کیا جائے گا۔یہ مقابلہ کرکٹ کے شائقین کے لیے ایک یادگار لمحہ ہوگا اور دونوں ٹیموں کے درمیان سخت مقابلے کی توقع کی جا رہی ہے۔
یاد رہے کہ آئی سی سی نے چیمپئنز ٹرافی ہائبرڈ ماڈل کے تحت ہونے کی تصدیق کر دی ہے اور شیڈول جلد ہی جاری کر دیا جائے گا ۔
فیوژن ماڈل کے تحت پاکستان بھی 2026 میں شیڈول ٹی ٹوینٹی ورلڈکپ کیلئے بھارت نہیں جائے گا اور تمام میچز نیوٹرل وینیو پر ہی ہوں گے ۔
