عیسائیوں کے روحانی پیشوا پوپ فرانسس چل بسے
ویٹی کن سٹی(ڈیلی پاکستان آن لائن)عیسائیوں کے روحانی پیشوا پوپ فرانسس چل بسے۔
ویٹی کن سٹی اعلامیہ کے مطابق عیسائیوں کے روحانی پیشوا پوپ فرانسس88برس کی عمر میں چلے بسے، ویٹی کن سٹی نے پوپ فرانسس کے انتقال کی تصدیق کردی۔
پوپ فرانسس طویل عرصے سے علیل تھے،پوپ فرانسس ڈبل نمونیا کا شکار تھے،پوپ فرانسس طویل بیماری کے بعد چند روز قبل ہی صحتیاب ہو کر ہسپتال سے ڈسچارج ہوئے تھے،میڈیا رپورٹ کے مطابق پوپ فرانسس رومن کیتھولک چرچ کے پہلے لاطینی امریکی رہنما تھے،پوپ فرانس نے 2013میں چر چ کی قیادت سنبھالی تھی،پوپ فرانسس نے بین المذاہب مکالمے اور امن کیلئے عالمی سطح پر کوششیں کیں۔پوپ فرانسس نے اتوار کو ایسٹر کے موقع پر لوگوں سے ملاقاتیں بھی کی تھیں۔
یاد رہے کہ پوپ فرانسس کا نام خورجے ماریو برگولیو تھا اور انہوں نے 2013 میں پوپ بینڈکٹ کے استعفے کے بعد پوپ کا عہدہ سنبھالا تھا، پوپ فرانسس اس سے پہلے ارجنٹینا کے دارالحکومت بیونس آئرس کے آرچ بشپ تھے۔
