ژوب کے سرحدی علاقے سمبازہ میں ہلاک دہشتگرد افغان شہری نکلا
راولپنڈی(ڈیلی پاکستان آن لائن)ژوب کے سرحدی علاقے سمبازہ میں ہلاک دہشتگرد افغان شہری نکلا۔
پاک فوج کے شعبہ تعلقات عامہ آئی ایس پی آر کے مطابق سمبازہ میں 11جنوری کو سکیورٹی فورسز نے کارروائی کی تھی، ہلاک افغان شہری کی شناخت محمد خان احمد خیل کے نام سے ہوئی،جوافغان صوبے پکتیکا کے ضلع وازخوا کے گاؤں کا رہائشی تھا،آئی ایس پی آر کاکہنا ہے کہ ہلاک دہشتگرد کی لاش گزشتہ روز افغان حکام کے حوالے کی گئی،ایسے واقعات افغان شہریوں کی پاکستان میں دہشتگردی کے واضح ثبوت ہیں،توقع ہے عبوری افغان حکومت اپنی ذمے داریاں پوری کرے گی،توقع ہے عبوری افغان حکومت دہشتگردوں کو اپنی سرزمین استعمال نہیں کرنے دے گی۔
