پتوکی: پولیس خدمت مرکز میں خواجہ سرا ءکے ڈانس کی ویڈیو وائرل
قصور(ڈیلی پاکستان آن لائن)پتوکی میں پولیس خدمت مرکز میں خواجہ سرا ءکے ڈانس کی ویڈیو وائرل ہوگئی۔
شدید گرمی کے بعد بارش برسنے سے موسم خوشگوار ہوا تو خواجہ سراء خوبصورت موسم کو انجوائے کرنے قصور کے پولیس خدمت مرکز پہنچ گیا، خدمت مرکز کے احاطے میں ٹک ٹاکر خواجہ سراء اپنے فن کے جلوے دکھا کر لوگوں کو محظوظ اور کیمرے میں محفوظ کرتا رہا۔
ڈانس کی ویڈیو سوشل میڈیا پر وائرل ہوئی تو ڈی پی او قصور عیسیٰ سکھیرا نے سخت نوٹس لیتے ہوئے ڈی ایس پی لیگل کو انکوائری کا حکم دے دیا۔خواجہ سراء کے ڈانس کی ویڈیو وائرل ہونے پر پولیس نے دعویٰ کیا کہ خواجہ سراء نے اپنے سوشل میڈیا اکاؤنٹ سے ویڈیو وائرل کی۔
