آن لائن قرض ایپ کی آڑ میں خواتین کی نازیبا تصاویر، ویڈیوبنانے والے 3 ملزم گرفتار
سورس: File Photo
لاہور (ویب ڈیسک) لاہور پولیس نے لون ایپلیکیشن کی آڑ میں خواتین کی نازیبا تصاویر اور ویڈیوزبنانے والے 3 ملزمان کو گرفتار کرلیا۔
نجی ٹی وی چینل جیو نیوز کے مطابق سپرنٹنڈنٹ آف پولیس ( ایس پی) آرگنائزڈ کرائم فرقان بلال نے بتایاکہ گرفتار ملزمان انٹرنیٹ پر لون ایپ کے ذریعے شہریوں کوبلیک میل کرکے پیسے بٹورتے تھے۔ ان کا کہنا تھاکہ ملزمان قرضہ لینے والی فیملیز کو ویڈیو کال کرکے اسکرین شارٹ لیتے اور خواتین کی تصاویرایڈٹ کرکے بلیک میل کرتے تھے۔
ایس پی نے بتایاکہ ملزمان بلیک میل بھاری رقم وصول کرتے تھے۔ ان کا کہنا تھاکہ ملزمان سے 6 لیپ ٹاپ، ایڈٹ کرنے والی ڈیوائس اور لاکھوں روپے نقدی برآمد کرلی ہے۔
