چیمپئنز ٹرافی ، بھارت نے پاکستان کو شکست دے دی
دبئی(ڈیلی پاکستان آن لائن)آئی سی سی چیمپئنزٹرافی کے اہم میچ میں بھارت نے پاکستان کو چھ وکٹوں سے شکست دے دی ۔ پاکستان نے پہلے بیٹنگ کرتے ہوئے مقررہ پچاس اوور زمیں 10وکٹوں کے نقصان پر 241رنز بنائےجس کے جواب میں بھارت نے مطلوبہ ہدف چار وکٹوں کے نقصان پر حاصل کیا۔
پاکستان کے خلاف بھارت کی بیٹنگ جاری ہے۔ بھارت نے35اوورز میں 2 وکٹوں کے نقصان پر189رنز بنا لیے ہیں۔ شاہین آفریدی نے بھارتی کپتان روہت شرما کو آؤٹ کیا، شبمن گل ابرار احمد کی گیند پر آؤٹ ہوئے ۔اس سے قبل اور بھارت کو جیت کے لیے 242 رنز کا ہدف دیا۔
تفصیلات کے مطابق پاکستان نے ٹاس جیت کر پہلے بیٹنگ کا فیصلہ کیا ۔ بابر اعظم اور امام الحق اوپنر آئے تو دونوں بیٹر آغاز میں انڈر پریشر رہے۔ بابر اعظم23رنز بنا کر ہاردیک پانڈیا کی گیند پر آؤٹ ہوئے۔ اس کے فوری بعد امام الحق بھی 10سکور پر رن آؤٹ ہو گئے۔ان کے بعد کپتان محمد رضوان اور سعود شکیل نے ایک پارٹنر شپ لگائی لیکن پھر کپتان 46 رنز بنا کر اکشر پاٹیل کی گیند پر آؤٹ ہوگئے۔ ان کے بعد سعود شکیل 62رنز بنا کر ہاردیک پانڈیا کی گیند پر آؤٹ ہوئے۔اس کے بعد طیب طاہر چار سکور بنا کر جدیجہ کی گیند پر آؤٹ ہوئے۔شاہین آفریدی بغیر کوئی سکور کیے کلدیپ یادیو کی گیند پر آؤٹ ہوئے جبکہ سلمان آغا19سکور بنا کر کلدیپ یادیو کی گیند پر آؤٹ ہوئے۔ نسیم شاہ بھی 14سکور بنا کر کلدیپ یادیو کی گیند پر آؤٹ ۔بھارت کی جانب سےکلدیپ یادیو نے تین ، ہاردیک پانڈیا نے دو جبکہ ہر شیت رانا ، اکشر پاٹیل اور جدیجہ نے ایک، ایک وکٹ حاصل کی۔
جواب میں بھارتی بیٹرز نے دھواں دار بیٹنگ کا آغاز کیا لیکن کپتان روہت شرما صرف 20رنز بنا کر شاہین آفریدی کی گیند پر آؤٹ ہوئے، ان کے بعد شبمن گل 46رنز بنا کر ابرار احمد کی گیند پر کلین بولڈ ہوئے۔شریاس ایئر 56سکور بنا کر خوشدل شاہ کی گیند پر آؤٹ ہوئے جبکہ ہاردیک پانڈیا 8سکور بنا کر شاہین آفریدی کی گیند پر آؤٹ ہوئے۔بھارت کی جانب سے ویرات کوہلی نے نا قابل شکست اننگز کھیلی اور سنچری کے ساتھ ساتھ ٹیم کو فتح دلا کر پویلین لوٹے۔
لائیو اپ ڈیٹس
پاکستان ٹیم میں بابراعظم، امام الحق، سعود شکیل، محمد رضوان اور آغا سلمان شامل ہیں،طیب طاہر، خوشدل شاہ، ابراراحمد، نسیم شاہ، شاہین آفریدی اور حارث رؤف بھی ٹیم کا حصہ ہیں،
دوسری جانب بھارت کی ٹیم میں کوئی تبدیلی نہیں کی گئی۔بھارت کی پلیئنگ الیون میں روہت شرما، شبمن گل، ویرات کوہلی شامل ہیں،شیریاس لیئر، کے راہول، اکسر پٹیل، ہردیک پانڈیا، رویندراجدیجہ بھارتی ٹیم کا حصہ ہیں،ہرشیت رانا، محمد شامی اور کلدیپ یادیو بھی بھارتی پلیئنگ الیون میں شامل ہیں۔
