آپ کے ادوار اتنے سنہری تھے تو آئی ایم ایف کے پاس کیوں گئے ؟، فرخ حبیب کا اپوزیشن سے سوال 

اسلام آباد ( ڈیلی پاکستان آن لائن ) فرخ حبیب نے کہا کہ ہمیں کہا گیا کہ یہ آئی ایم ایف کے پاس نہیں جا رہے ، جب ہم گئے تو کہا گیا کہ یہ پی ٹی آئی آئی ایم ایف بن گئے ہیں ، ایک بار فیصلہ کر لیں کہ آئی ایم ایف اچھی ہے یا بری ، پاکستان کی معیشت کے حوالے سے بڑی بڑی کہانیاں سنائی جاتی ہیں ، ان کے ادوار میں حالات اتنے اچھے تھے تو یہ آئی ایم ایف کے پاس کیوں گئے ، ایک ایون فیلڈ میں محلات بنا رہا تھا ، ایک سرے محل بنا رہا تھا۔
فرخ حبیب نے کہا کہ ٹیکس کلکشن کے حوالے سے ان کو سر پرائز کریں گے ، آئی ایم ایف کے تمام ٹارگٹ پورے کر چکے ہیں ۔ ملکی جی ڈی پی گروتھ کے پیچھے وزیر اعظم عمران خان کی دن رات کی محنت پوشیدہ ہے ۔