علی عظمت کے میڈم نور جہاں کے بارے بیان پر ماضی کی مقبول گلوکارہ کی فیملی کا موقف بھی آگیا
کراچی (ویب ڈیسک) ماضی کی مقبول ترین گلوکارہ میڈم نورجہاں کی صاحبزادی حنا درانی نے حال ہی میں گلوکار علی عظمت کی جانب سے اپنی والد ہ سے متعلق الفاظ کو نامناسب قرار دیتے ہوئے گلوکار کے رویے پر برہمی کا اظہار کیا۔
نجی ٹی وی ڈان نیوز کے مطابق علی عظمت نے چند دن قبل ایک انٹرویو میں کہا تھا کہ ماضی میں جب وہ نوجوان تھے تو میڈم نورجہاں کو ٹی وی پر ساڑھی کے ساتھ حد سے زیادہ میک اپ میں گاتا ہوا دیکھ کر وہ ’چڑ‘ جاتے تھے۔ علی عظمت کے بیان پر اگرچہ متعدد شوبز شخصیات اور عام عوام نے بھی انہیں تنقید کا نشانہ بنایا تھا لیکن اب ملکہ ترنم کی صاحبزادیوں حنا درانی اور منال حسن نے بھی ان کے الفاظ پر برہمی کا اظہار کیا۔حنا درانی نے انسٹاگرام پر والدہ ملکہ ترنم نورجہاں کے حوالے سے بھارتی مرحوم اداکار دلیپ کمار اور گلوکارہ لتا منگیشکر کی تعریفی ویڈیوز بھی شیئر کیں جب کہ علی عظمت کے بیان پر بیان بھی جاری کیا۔
View this post on Instagram
حنا درانی نے اپنے بیان میں علی عظمت کو پاکستانی میوزک انڈسٹری کا تقریباً ختم ہونے والا ستارہ قرار دیتے ہوئے ان کے الفاظ کی مذمت کرتے ہوئے لکھا کہ کسی بھی انسان کی شخصیت کا اندازہ اس کی جانب سے دوسروں کی عزت کرنے سے لگایا جاتا ہے اور کچھ دن قبل ایک شخص کی جانب سے ملک کی مایہ ناز گلوکارہ کے لیے کہے گئے الفاظ سے ان کی شخصیت عیاں ہوگئی۔
ملکہ ترنم دوسری بیٹی منال حسن نے بھی یہی پوسٹ شیئر کی اور لکھا کہ ہر کسی کو اظہار رائے کی آزادی ملنی اور ہونی چاہیے لیکن اس کا مطلب یہ نہیں ہے کہ اس آزادی کو دوسری کی شخصیت پر کیچڑ اچھالنے کے لیے استعمال کیا جائے، پاکستان میں عام طور پر اظہار رائے کی آزادی کا غلط استعمال کیا جاتا ہے اور اسے دوسروں کی تذلیل کے لیے بروئے کار لایا جاتا ہے۔
View this post on Instagram
انہوں نے لکھا کہ کچھ دن قبل ایک انٹرویو میں پاکستانی میوزک کے اختتام کو پہنچنے والے نمائندے نے نہ صرف ملک کی بہترین گلوکارہ بلکہ ایک خاتون اور ایک والدہ پر بھی نامناسب تبصرہ کیا۔ دونوں نے اپنی پوسٹ میں علی عظمت کا نام نہیں لکھا لیکن ان کا اشارہ ان کی جانب ہی تھا۔
View this post on Instagram
