شان مسعودکو 2027 تک ٹیسٹ ٹیم کا کپتان برقرار رکھے جانے کا قوی امکان

لاہور(آئی این پی ) قومی ٹیسٹ  ٹیم کے کپتان شان مسعود کی سینٹرل کنٹریکٹ میں کیٹیگری تبدیل ہونے  کے ساتھ ساتھ انہیں 2027  تک کپتان  برقرار  رکھے جانے کا  بھی قوی امکان ہے۔سینٹرل کنٹریکٹ 262025 میں شان مسعود کی ڈی کیٹیگری میں تنزلی کی گئی تھی۔ سینٹرل کنٹریکٹ میں ون ڈے کپتان محمد رضوان اور ٹی ٹوئنٹی کپتان سلمان آغا کو بی کیٹیگری دی گئی تھی۔

ذرائع کے مطابق شان مسعود کو ایک مرتبہ پھر سینٹرل کنٹریکٹ میں بی کیٹیگری ملنے کا امکان ہے۔شان مسعود گزشتہ سینٹرل کنٹریکٹ میں بی کیٹیگری میں شامل تھے۔دریں اثنا  چیئرمین پی سی بی محسن نقوی سے ٹیسٹ ٹیم کے کپتان شان مسعود اور کوچ اظہر محمود نے ملاقات کی۔چیئرمین پی سی بی محسن نقوی، ٹیسٹ ٹیم کے کپتان شان مسعود اور کوچ اظہر محمود کی ملاقات کے دوران جنوبی افریقہ کے خلاف ٹیسٹ سیریز کی تیاریوں کے سلسلے میں گفتگو ہوئی، محسن نقوی نے ٹیسٹ ٹیم کے حوالے سے کپتان شان مسعود اور کوچ اظہر محمود کو فری ہینڈ دیدیا۔

محسن نقوی نے کہا کہ جنوبی افریقہ کے خلاف ٹیسٹ سیریز کیلئے میری پوری سپورٹ آپ کے ساتھ ہے۔ذرائع کے مطابق ٹیسٹ کپتان شان مسعودکو  ورلڈ ٹیسٹ چیمپئن شپ کے سرکل 27-2025 تک کپتان برقرار  رکھے جانے کا قوی امکان ہے۔