ایشیاء کپ، ابھیشیک کی آج بھی دھماکے دار پرفارمنس، بھارت نے بنگلہ دیش کوشکست دیدی

دبئی(ڈیلی پاکستان آن لائن) ایشیا ءکپ کے سپر فور مرحلے کے 16ویں میچ میں بھارت نے شاندار کارکردگی دکھاتے ہوئے بنگلہ دیش کو 41 رنز سے شکست دے دی۔بھارت نے پہلے بیٹنگ کرتے ہوئے مقررہ 20 اوورز میں 168 رنز بنائے۔ ابھشیک شرما نے دھواں دار اننگز کھیلتے ہوئے صرف 37 گیندوں پر 75 رنز بنائے جن میں 6 چوکے اور 5 چھکے شامل تھے۔ شبھمن گل نے 29 اور ہاردک پانڈیا نے 38 رنز کی نمایاں اننگز کھیلی۔ بنگلہ دیش کی جانب سےارشاد حسین نے 2 جبکہ مستفیض الرحمان، تنزیم حسن اور محمد سیف الدین نے ایک ایک وکٹ حاصل کی۔

ہدف کے تعاقب میں بنگلہ دیش کی ٹیم 19.3 اوورز میں 127 رنز پر ڈھیر ہوگئی۔ سیف حسن نے 69 رنز کی شاندار اننگز کھیلی مگر کوئی اور بلے باز ان کا ساتھ نہ دے سکا۔ پرویز حسین ایمان نے 21 رنز بنائے جبکہ باقی کھلاڑی دوہرے ہندسے میں داخل نہ ہو سکے۔ بھارت کی جانب سے کلدیپ یادو نے 3، جسپریت بمراہ اور ورون نے 2،2 وکٹیں حاصل کیں۔بھارت نے یہ میچ با آسانی جیت کر سپر فور مرحلے میں اپنی پوزیشن مزید مستحکم کر لی۔