پیار دے سودے لوکی کردے لوکاں نال اُدھار | حسن رضوی |

پیار دے سودے لوکی کردے لوکاں نال اُدھار | حسن رضوی |
پیار دے سودے لوکی کردے لوکاں نال اُدھار | حسن رضوی |

  

پیار دے سودے لوکی کردے   لوکاں نال اُدھار

اساں تے یارو انج نہ کیتا جندڑی دا بیوپار

میرے شہر دے گبھرو سینے وچ پلدی مٹیار

جیویں باگ دے اندر کھڑیا سوہا پھل انار

نہریاں وگیاں بدل گجے مینہ دے ڈکے لگے 

رُُکھ دی تھاں جمن والا لو وچ سڑیا یار

اوہ تے سوہنی وچ جھروکے بیٹھی کھڑ کھڑ ہسے

میں دُکھیارا ظلم دا مارارُلدا وچ بزار

سڑکاں اُتے بھیس وٹا کے گاؤ ندے پھردے ہیر

پیار وی جھوٹھا ہر شے جھوٹھی جھوٹھے قول قرار

پہلاں سجن فیر نہ رَجن کر کر گلاں مندیاں

ہن حسن میں لک بھناں کے کیہنوں آکھاں یار

شاعر: حسن رضوی

(شعری مجموعہ:ہجر دی پہلی شام؛ سالِ اشاعت،1986)

Piyaar   Day   Soday   Loki    Karaday    Lokaan    Naal   Udhaar

Asaan   Tay   Yaaro   Inj   Na   Keeta   Jindrri   Naal   Wapaar

Meray   Shehr   Day    Gabhru   Seenay   Vich    Paldi   Mutiyaar

Jiven    Baagh   Day   Andar    Khirriya    Sooha   Phull   Anaar

Naheriyaan    Wagiyaan   Baddal   Gajjay    Meenh    Day    Dakkay   Laggay

Rukh   Di   Chhaan   Vich    Jamman    Waala    Lo   Vich   Sarriya   Yaar

Oh   Tay     Sohni    Vich    Jharokay    Baithi    Khirr    Khirr   Hasay

Main   Dukhyaara    Zulm   Da   Maara   Rulda   Vich   Bazaar

Sarrkaan   Utay   Bhais    Wataa   K   Gaonday   Phirday   Heer

Piyaar    Vi   Jhootha   Har    Shay    Jhoothi    Jhoothay   Qaol    Qaraar

Pehlaan   Sajjan   Fair   Na   Rajjan   Kar   Kar   Gallaan   Mandiyaan

Hun    HASAN   Main   Lakk    Bhanaa   K   Kehnun   Aakhaan   Yaar

Poet: Hasan   Rizvi

مزید :

شاعری -رومانوی شاعری -غمگین شاعری -